Ankh Gussinklo. Foto: PR
Ankh Gussinklo. Foto: PR
Columns

Aaltens Kwartiertje | Coronalia

In 't kader van 'een zittend gat bedech zich wat', bedacht ik mi-j um – pro deo natuurlijk - ' t waekelijks 'Aaltens Kwartierken' weer's laeven in te blaozen. Tiedelijk tuurlijk. Tut 't 'gewone' laeven weer angeet. Hóppe wi-j! Afijn, de redactie von't prima en zo bun ik teminsen een hörtjen van de straote. Mienen man von't ok best: "Míts ik't een betjen luchtig hiel, want d'r steet vake al zovölle narigheid in de krante." Búnt ze natuurlijk ok veur! Maor misschien lucht éffen een andern toon zo now en dan, ók wal's effen op.
't Is trouwens aevengood wal vrömd, jó? D'n eersten d'n besten carantainedag bellen een kleindochter ons al spontaan: "Of ze boodschappen veur ons zol halen?" Onmundig lief! Dus pakken wi-j 't anbod metene an. En toen ze't ok nog an huus bracht, wier't helemaol gezellig. Toch realiseern wi-j ons toen eigenlijk pas goed, dat wi-j onder de 'kwetsboare laeftied' vielen. Was best wennen. Toch hef mienen trouwgenoot zich veur enommen um (at't neet meer vrüs(!)
's morgens teggen zeuven uur zelf naor de Appie te fietsen. 't Veurdeel was -dáchte- datter dan nog wal closetpapier zol waen. (Onderhand steet 't aoverigens met scheepsladingen an de stroate, maor dit terzijde.) Hoe dan ok beseffe wi-j beiden da'w persoonlijk niks te lasten hebt. Wont in't buutengebied, bunt nog gezond, könt wandelen, fietsen en wieters een betjen in't höfken moggelen of ziten laezen. Helaas is dat veur heel völle andern niet weg elegd, da's duudelijk. En dee wense wi-j bi-j dezen álle kracht starkte toe!!!
Veurts beste leu: "Mócht i-j onverhoopt es teggen een host leug schap anlopen, lekt ow neet metene 't gat af an al dee Vitale Warkers (m.v.).
"Doch denk dan bi-j de leste rol: "Heb ik d'n zolder niet al vol?"


Sien o Niem

Meer berichten
 

Dagelijks het laatste nieuws in je mailbox ontvangen?

Aanmelden