Ankh Gussinklo. Foto: PR
Ankh Gussinklo. Foto: PR
Columns

Coronalia (2)

Coronalia (2)

Já leu wi-j zölt d'r nog wal een hörtjen teggenan motten. Of i-j now Ziek bunt of in de Zorg warkt, Schooljuf-sless-Meister bunt, Vakkenvuller of Sporter, 't is allemaole effen afzeen. Of i-j Huuswark of Thuuswark hebt – al dan niet op mekares lippe – zolange de Corona heerst, mot de Regering volgen. En wi-j de Regering. En da's gin sinecure! Kortum; of i-j now arm bunt of rieke; zélden he'w denk ik zó naor't ende van de maond verlangd as now. En dan? Dan kan't mét of teggenvallen. De tied zal't uutwiezen.
Ik heurn op de radio een kaerl wiet ok met vrouw en't hele kinderkoor thuuszat, maor den zei opgewekt: "Ik zegge gewoon aoveral 'Jao' op en dan geet't wondergoed."
Zélf he'k trouwens niks te klagen; wi-j zit hooguut met ons tweeën an de kökkentaofel. (Da's sowieso al mooi!) En strikt genommen hoef ik weinig anders te doen as dizze stukskes te schrieven. Toch malen't ok in mien kop korts al effen zaodeunig, da'k mi-j Nivea in de heure strekke inplaatse van Wax. Ku'j naogaon! Toen he'k eerst de beide pötjes maor's anderhalven meter uut mekare ezet. "Was ok baeter", von mienen man. Zelf numpe den afstand – van mi-j – trouwens nog neet. Wal dutte de meeste boodschappen en dan he'w beide effen röste. Ik gao allene at't hoge neudig is. Korts ging'k toevallig effen langs d'n drogist veur'n pëksken zuveringszalt. "Is goed veur alles", zeien ze vrogger. Toen'k wol pinnen leien d'r een stuk of wat wattenstaafjes naost 't apparaat. Zei 'k een betjen naïef: "Is dat veur véur of náo'n tied?" Née, 'íntied' dus! Inmiddels is't idee in zowat heel Aalten uut erold. Maor zéé waarn't eerste!
Kiek, dat vin'k now zo ongeveer 't simpelste veurbeeld van: 'D'r An!' Maor i-j mot maor op't idee kommen…


Sien o Niem

Meer berichten
 

Dagelijks het laatste nieuws in je mailbox ontvangen?

Aanmelden