Columns

Coronalia | Herdenken en vier'n 2020

'De mens wikt... ' en in vroggerdage vonnen een hoop mensen troost en/of berösting in't spraekwoordelijke vervolg dat d'r achteran kwam. Wie bun ik dit te verwarpen, noch te beamen. Het is een ándere tied! Maor dat 'Moeder Natuur' 't neudig achten um eure kinder efkes trugge te fluiten”, hef zich toch argens in een huuksken van mien heufd enesteld. Echter 't mooie vin'k dat deezelfde kinder in staat (b)liekt um 'te luustern', en d'r gemiddeld genommen op een ongekend empathische én constructieve maniere met wet umme te gaon tut now toe. Immers, kennelijk had 70% van Neerlands Volk nét zo'n fijnen Koningsdag as andere jaorn. Kump 't Wilhelmus zélden méér binnen, as at 'n stuk of wat buurtmuzikanten d'row 's morgens geheel onverwachts op tracteert! (En ok ons eigen 'Jubileumdag in coronatied' was letterlijk góld weerd!) Ik wil maor zeggen; a'j niks verwacht, is álles een verrassing! Of zol't misschien 'De Kracht van't Kleine' waen? Kieke wi-j ooit nét zo 'verwonderd' terugge op zowal de 4-mei Herdenking as d'n 75-jaorigen Bevrijdingsviering van 2020? Dat't allemaole – ondanks alle zorgen en beperkingen– toch héél bezunder was: “Een Herdenken, met een éxtra lading! En een Bevrijdingsdag in – of ondanks - een tied van (relatieven) onvri-jheid”.(Alhoewal: twee Oranjetompoezen per auto is toch ok één groot Feest?!? (laes; File!) En túúrlijk, as 70-plusser he'k makkelijk proaten! Toch wet zelfs ik nog best 'dat de koe kálf is ewest!' Dus kan'k mien best begriepen dat veurál jongeleu onderhand stonnen te springen um een Bevrijdingsconcert. En nog neet mot dénken an een Zommer zonder Festivals, Voetbal, en álles wat wieters was belofd! 't Geet allemaole (nog) niet deur. Um een ingriependen reden, maor aevengoed allebastend jámmer! Maor, lao'w eerlijk waen, at't dan tóch aover Herdenken en Vri-jheid geet: “Een paar jaor onderduuken is een stuk arger!” Tóch..?


Sien o Niem


Meer berichten
 

Dagelijks het laatste nieuws in je mailbox ontvangen?

Aanmelden