Columns

Coronalia (op herhaling) | Testcees

Testcees…

Testcees…

Tja, beste mensen, wi-j zölt d'r weer án motten, zin of gin zin! En at't kan met niet tevöll hakken in't zand, grote mönde, lange tene en korte lontjes. Vervolgens zol, ondanks alle narigheid, een klein betjen humor misschien ok good warken. (Hiermet dek ik mien alvast in veur eventuele 'berispingen' umda'k de situatie niet serieus zol nemmen. Geleuf mien, 't tegendeel is waor!)

Toch wi'k dizze periode ok probeern te zien as 'n soort van 'testcees' angaonde de maniere waorop wi-j met tegenslag ummegaot.

Te beginnen met 't Testen. Daor ku'j van alles van vinnen, maor in elk geval wet elken staatsbörger inmiddels hoe't dat in zien wark geet. D'r geet host gin journaal veurbi-j of i-j zeet't veurbi-j kommen... Korts vertellen mi-j iemand in kleurrieke bewoordingen hoe't ze met een paar vrouwleu bi-j mekare hadden zitten ordeniern.
Zuchten d'r ene: “Kreg ik korts ok nog zo'n glimmend peers päksken thuus estuurd: Darmonderzuuk! Almaol mooi, daor neet van, maor ik mag nog wal's good de gebroeksanwiezing bestudeern!”
Zeg eure vriendinne: “I-j wet toch wál da-j dat stöksken néét in de neuze mot staeken?” Vervolgens zei vriendin dri-j: “'t Is neet te hoppen da'w straks bi-j 't borstonderzuuk, inplaatse van in den bus, ok deur 'n teststraote mot. Zo van “Raemken naor ondern en Hóppá!”

Kortumme; de humor lig soms op de (test)straote…Zo las ikzelf laatst d'n Krantenkop: “Sunterklaosintocht in uutgekleden vorm!” Mienen fantasie begon metene te warken. En't zal mien niet verwondern dat sommige kinder bi-j een uutgekleden Sunterklaos de link legt met “De klere van de keizer”. Kan gewoon allemaole. Net as een hulpjen wiet niet langer donker hoeft te kleurn. Laot dát maor an kinder aover. Dee zegt misschien wal: “Lange tene, korte lontjes? Hóppa! Deur de schörsteen d'r met…”


Sien o Niem

Meer berichten
 

Dagelijks het laatste nieuws in je mailbox ontvangen?

Aanmelden